تذكر!
جيتك على الموعد يا دواء الولهان؛ تداوي الناس من حبك .. ووجودك يداويني.
تخيل!
جيتك راجع الخطوة يا ساقي الظمآن؛ من مبسمك تروي العطشان .. ولفته منك ترويني.
تدري!
جيتك قاصد احساسك يا وِجْهة الهيمان؛ بغيابك يتوه الغير .. وبدونك أنا فاني.
تصدق!
جيتك حامل اللهفة يا جابر الوجدان؛ تجبر قلوب الخلق .. ومنك كلمة رأفة تحييني.
تأمن!
جيتك على ما يكون الحب .. ومهما يكون .. وليش يكون وان ما كان ما كناه.
يصير؟
نصيِّر الإحساس إلِّي يصير .. وإذا ما صار المصير اللي نبيه .. نِصَيِّرَه لينا.
ولجل تذكر!
جيتك على الموعد يا دواء الولهان؛ تداوي الناس من حبك .. ووجودك يداويني
همسات الهجر المسموعة
